UNIONI I SIPËRMARRËSVE TË RINJ TË SHQIPËRISË
Unioni i Sipërmarrësve të Rinj të Shqipërisë (YAEU) shpall thirrjen e interesit për prodhimin e video shpjeguese në lidhje me projektin Aftësim dhe Punësim për të Rinjtë, mbështetur nga Agjencia Kombëtare e Rinisë dhe Ministri i Shtetit për Rininë dhe Fëmijët. Kjo thirrje për shprehje interesi vjen në mbështetje të punës për promovimin dhe visibilitetin e rezultateve dhe komponentëve të projektit.
YAEU dëshiron të kontraktojë një ofrues shërbimi (shoqëri që operon në Shqipëri ose një profesionist të pavarur) për të prodhuar videon.
Afat i dorëzimit të aplikimit: 22 Mars 2023.
Aplikantët duhet të dorëzojnë dokumentet e mëposhtme në adresën: [email protected]
- CV personale të personit teknik të propozuar për këtë projekt duke theksuar kualifikimet dhe përvojën në projekte të ngjashme;
- Një portofol me punime të ngjashme;
- Propozimi financiar për kryerjen e shërbimit/produktit;
- Referencat e punës – detajet e kontaktit (adresat e postës elektronike dhe telefon).
TERMAT E REFERENCËS
Për prodhimin e videos shpjeguese në lidhje me projektin Aftësim dhe Punësim për të Rinjtë.
OBJEKTIVI I PËRGJITHSHËM, QËLLIMI DHE REZULTATET E PRITURA
Për të promovuar projektin Aftësim dhe Punësim për të Rinjtë si dhe për të ilustruar komponentë dhe faza të ndryshme të zhvillimit të projektit, YAEU dëshiron të kontraktojë një ofrues shërbimi (shoqëri që operon në Shqipëri ose një profesionist të pavarur) për të prodhuar videon. Video mund të jetë e animuar dhe/ose live.
Ky projekt i përgjigjet çështjes së punësimit të të rinjve dhe orientimit të tyre në tregun e punës për punësim të suksesshëm, nëpërmjet 3 komponentëve kryesore: (i) trajnimeve (ii) praktikave të intershipeve dhe (iii) mentorimit.
Video duhet te promovoje qartë të gjithë procesin e zbatimit të projektit: nga takimet e zhvillura, trajnimet e kryera, praktikat e punës, opinionet e pjesëmarrësve, dhe seancat e mentorimit. Video mund të shoqërohet edhe me ilustrim të përmbajtjes së moduleve të zhvilluara dhe mesazheve kryesore në kuadër të projektit.
Produkti duhet të përgatitet, realizohet dhe dorëzohet në gjuhën shqipe.
PËRSHKRIMI I DETYRËS SË OFRUESIT TË SHËRBIMIT
Nën mbikëqyrjen e drejtpërdrejtë të YAEU, ofruesi i shërbimit do t’i kërkohet të bëjë sa vijon:
× Zhvillimi i konceptit dhe skenarit të përgjithshëm të videos.
× Zhvillimi i tekstit dhe storyboard të videos.
× Paraqitja e një draft video në YAEU për komente mbi përmbajtjen.
× Prodhimi i videos përfundimtare.
KUALIFIKIMET E KËRKUARA DHE EKSPERIENCA E OFRUESIT TË SHËRBIMIT
Ofruesit të shërbimit i kërkohet të ketë:
× Të paktën 3 vjet përvojë pune në realizimin e produkteve të tilla ( prodhim video dhe materiale për publikim dhe promovim).
× Kapacitete dhe infrastrukturë teknike për të siguruar prodhim me cilësi të lartë.
AFATI KOHOR I REALIZIMIT TË PROJEKTIT
Dorëzimi i produktit përfundimtar do të jetë 20 ditë pune nga data e nënshkrimit të kontratës.
PRONËSIA INTELEKTUALE
Të gjitha informacionet në lidhje me këtë produkt do të mbeten pronë e YAEU, e cila do të ketë të drejta ekskluzive mbi përdorimin e tyre.
DETYRIMET KONTRAKTUALE
Shërbimi do të kontraktohet sipas kushteve të kontratës së YAEU dhe do të mbikëqyret nga YAEU vetëm për të ofruar rezultatet e mësipërme brenda kornizës kohore të rënë dakord.
Ofruesi i shërbimit duhet të marrë miratimin paraprak nga YAEU për produktin e kërkuar.
PROCEDURA E APLIKIMIT
Aplikantëve u kërkohet të dorëzojnë dokumentet e mëposhtme në [email protected] jo më vonë se 22 Mars 2023.
Dokumentacioni i kërkuar nga aplikantët:
- CV personale të personit teknik të propozuar për këtë projekt duke theksuar kualifikimet dhe përvojën në projekte të ngjashme;
- Një portofol me 3 punime të ngjashme;
- Propozimi financiar për kryerjen e shërbimit/produktit;
- Kontaktet (telefon dhe adrese);